жүйелі атыс

(Методический огонь)

артиллериядан атуды жүргізудің тәртібі. Бұл атыста бір берілген пәрмен (команда) бойынша әрбір келесі атыс белгілі бір уақыт аралығында жүргізіледі. Бақылаудағы нысаналарды атқанда жүйелі атыс әрбір жарылысты кезектеп немесе сериямен бағалау (белгілеу қажет болған жағдайда) қолданылады. Мыс., өлшенген ауытқулар бойынша және қирату атыстары бойынша атуда пайдаланылады. Бақылаудағы нысаналар бойынша Ж.а. белгіленген ұзақтықтағы атыс шабуылдауы барысында қолданылады. Сондай-ақ атысты бақылауда және титықтату (қарсыласты) атысын жүргізу, әдетте, көшпелі атыспен сәйкес жүргізіледі. Бақыланатын нысаналар бойынша Ж.а. қарқыны снаряд жарылыстарын белгілеу құралдарының мүмкіндігіне байланысты тағайындалады. Ж.а. жүргізілген уақытты снарядтар санына бөлумен есептелінеді. Сериядағы (кезекті) немесе атыс шабуылындағы атыс қарқыны тұрақты болады, ал қарсыласты титықтату үшін жүргізілетін Ж.а. қарқыны тұрақты емес. Ж.а. зеңбірекпен, взвод немесе батареямен жүргізіледі.